• Apr 18 Mon 2011 23:03
  • 烙印

星期天罕有地做賢淑的小師奶煲湯煮飯。花膠螺頭瑤柱冬菇瘦肉湯,本想加入蜜瓜(「西苑酒家」的馳名爵士湯據說就是下了蜜瓜)但街市和百佳都找不到蜜瓜,結果這次下了少許圓肉,效果不錯。

煲完湯的花膠以鮑汁炆,鮑汁何來?星期六專誠往「再興」(這店逢星期天和公眾假期休息)買了一盒鮑汁炆雞腳 ^^。無新意?係,但穩穩陣陣。

之前曾試過柱侯醬白蘿蔔炆牛肋肉,又試過紅酒紅蘿蔔炆,這次嚐試用木瓜炆。靈感來自「海景軒」的萬壽果牛肋肉,萬壽果即是木瓜,木瓜本身帶甜味,而且含有酵素可令肉質鬆軟,我這些小師奶家庭手作當然不能和海景軒比,但味道也蠻不錯。

昨天下午天氣悶熱,在廚房勞動已很辛苦,更不小心被熱騰騰的金屬煲柄燙傷了。我完全明白電視電影中那些嚴刑拷打迫供時,奸人以烘熱的鐵印在敵人的皮膚上,皮膚被燒焦的那種感覺!金屬柄打在手背上,柄陷入皮膚黏住,彷彿還有烤肉的吱吱響聲!之後皮膚起了一個大水泡,今早水泡破了留下這烙印。

聽來真是有血有淚的廿四孝老婆故事,所謂孝感動天,煲下湯天便陰雲密佈閃電打大雷 ^^

espwong 發表在 痞客邦 PIXNET 留言(5) 人氣()


留言列表 (5)

發表留言
  • 大頭仔
  • 之後個天都喊埋添~
    嘩,一定好痛啊!
  • 咪係,幾感人肺腑呢!

    剛剛扯走個柄個時都唔係好覺痛,反而之後開始發紅就好痛,仲要搵來搵去都搵唔到藥膏揸!最後在抽屜底找到一小樽唔知幾時開始存在的黃立光跌打去濕驅風止痛油(個名好似唔多對症下藥,但說明中寫適用於跌打扭傷,肌肉疼痛,....燙火損傷....蚊叮虫咬.... - 簡直萬能)揸,好似無咁痛,好快就起左個大水泡。

    espwong 於 2011/04/19 21:50 回覆

  • jokelib
  • 快啲搽疤痕敵!!!
  • 有疤痕都唔驚嘅(戰績嘛,出來行無兩、三條疤點似樣 ^^),最緊要快點結疤埋口,去游水方便些

    espwong 於 2011/04/19 21:57 回覆

  • lau2tang
  • 哈哈~咁都畀你想到......
    話時話,做煮婦ge,周時都會燙到架啦,不過依家啲煲鑊傳熱效果太好嘞,燙親就好大鑊,有隻燙火膏叫"品露"幾好架,一塗就好快好,買番支看門口啦!
  • 我係電視精又副修無聊港產片 ^^

    牛肋肉出水後倒走些熱水時燙到,個下仲要手定定,把煲牛肋肉擺番好在爐上先放手,免得跌左d肉落地下!

    我都覺得耍買番些少藥膏藥油看門口。以前黃老太實有一樽雲南白藥(粉)在家,切親手洒一些在傷口,好快止血架。

    espwong 於 2011/04/19 22:03 回覆

  • 小卡
  • 快快搽蘆薈膏,都好有效架!
  • 蘆薈膏在那兒有售?藥房嗎?

    espwong 於 2011/04/19 23:21 回覆

  • 小彭
  • 即刻食粒含笑半步盯嘛...
    去藥房問藥劑師, 一定有人幫到你.
  • 嗯,如果和一日冚包散同服,是否更有果效?

    espwong 於 2011/04/22 00:27 回覆

您尚未登入,將以訪客身份留言。亦可以上方服務帳號登入留言

請輸入暱稱 ( 最多顯示 6 個中文字元 )

請輸入標題 ( 最多顯示 9 個中文字元 )

請輸入內容 ( 最多 140 個中文字元 )

請輸入左方認證碼:

看不懂,換張圖

請輸入驗證碼